- Lyrics
- Album list
流氓樂團
-
看看這個世界
Lyricist:阿德 Composer:阿德
細漢的時候 阮的阿娘有交代 天公疼好人 你都嘸通學歹 人憨憨的做 上天底勒金金看 好人出頭天 歹人會沒性命 讀冊的時候 阮的先生有教訓 禮義和廉恥 是做人的道理 冊要認真讀 學歷會勝過一切 欲按怎收成 就要按怎栽種 但是你 看看這個世界 什麼時候看到正義 看看這個世界 好人過得這呢哀悲 看看這個世界 什麼時候看到真理 但是你 看看這個世界 歹人過得這麼順勢 大漢了以後 走入繁華的報市 拚活又拚死 為了爭一口氣 艱苦的日子 辛酸拿來寫日記 希望有一日 總是會出頭天 社會的現實 使人膽寒的冬天 無價的良心 越來越不值錢 理想和希望 漸漸來放乎袂記 做人的道理 就是認真賺錢 但是你 看看這個世界 你敢有影真正快樂 看看這個世界 你敢袂來感覺賭爛 看看這個世界 你敢相信還有希望 看看這個世界 你敢袂來感覺怨嘆 這個世界 無法無天 無真無理 這個世界 無是無非 無情無義
------------------------------------------
18828/《看看這个世界》Khuànn-khuànn Tsit ê Sè-kài 鱸鰻阿德Lôo-muâ A-tik(黃永德 N̂g Íng-tik)
細漢的時陣 suè-hàn ê sî-tsūn 阮的阿娘有交代 gún ê a-niâ ū kau-tài 天公疼好人 thinn-kong thiànn hó-lâng 你著毋通學歹 lí to̍h m̄-thang o̍h-phái 人戇戇咧做 lâng gōng-gōng teh tsò 上天佇咧金金看 siōng-thinn tī-leh kim-kim-khuànn 好人出頭天 hó-lâng tshut-thâu-thinn 歹人會無性命 phái-lâng ē bô sìnn-miā
讀冊的時陣 tha̍k-tsheh ê sî-tsūn 阮的先生有教示 gún ê sian-sinn ū kà-sī 禮義佮廉恥 lîyì kah liánchǐ 是做人的道理 sī tsò-lâng ê tō-lí 冊愛認真讀 tsheh ài jīn-tsin tha̍k 學歷會勝過一切 ha̍k-li̍k ē sìng-kuè it-tshè 欲按怎收成 beh án-tsuánn siu-sîng 著愛按怎栽種 to̍h-ài án-tsuánn tsai-tsìng
但是你 tān-sī lí 看看這个世界 khuànn-khuànn tsit ê sè-kài 啥物時陣看著正義 sí-mih sî-tsūn khuànn-tio̍h tsìng-gī 看看這个世界 khuànn-khuànn tsit ê sè-kài 好人活著遮爾哀悲 hó-lâng ua̍h-tio̍h tit tsiah-nī ai-pi 看看這个世界 khuànn-khuànn tsit ê sè-kài 啥物時陣看著真理 sí-mih sî-tsūn khuànn-tio̍h tsin-lí Find more lyrics at ※ Mojim.com 看看這个世界 khuànn-khuànn tsit ê sè-kài 歹人過著遮爾順序 pháinn-lâng kuè tio̍h tsiah-nī sūn-sī
大漢了以後 tuā-hàn liáu í-āu 行入繁華的都市 kiânn-ji̍p huân-huâ ê too-tshī 拚活閣拚死 piànn ua̍h koh piànn sí 為著爭一口氣 uī-tio̍h tsing tsi̍t-kháu-khuì 艱苦的日子 kan-khóo ê ji̍t-tsí 心酸提來寫日記 sim-sng the̍h-lâi siá ji̍t-kì 希望有一日 hi-bāng ū-tsi̍t-ji̍t 總是會出頭天啊 tsóng--sī ē tshut-thâu-thinn--ah
社會的現實 siā-huē ê hiān-si̍t 使人膽寒的冬天 sú-lâng tám-hân ê tang-thinn 無價的良心 bô-kè ê liông-sim 愈來愈毋值錢 jú lâi jú m̄ ta̍t-tsînn 理想佮希望 lí-sióng kah hi-bāng 漸漸來放予袂記 tsiām-tsiām lâi pàng hōo buē-kì 做人的道理 tsò-lâng ê tō-lí 就是認真趁錢 tō-sī jīn-tsin thàn-tsînn
但是你 tān-sī lí 看看這个世界 khuànn-khuànn tsit ê sè-kài 你敢有影真正快樂 lí kám ū-iánn tsin-tsiànn khuài-lo̍k 看看這个世界 khuànn-khuànn tsit ê sè-kài 你敢袂來感覺揬𡳞 lí kám buē lâi kám-kak tu̍h-lān 看看這个世界 khuànn-khuànn tsit ê sè-kài 你敢相信猶有希望 lí kám siong-sìn iáu-ū hi-bāng 看看這个世界 khuànn-khuànn tsit ê sè-kài 你敢袂來感覺怨嘆 lí kám buē lâi kám-kak uàn-thàn -
這个世界 tsit ê sè-kài 無法無天 bô-huat-bô-thinn 這个世界 tsit ê sè-kài 無真無理 bô tsin bô lí 這个世界 tsit ê sè-kài 無是無非 bô sī bô hui 這个世界 tsit ê sè-kài 無情無義 bô-tsîng bô-gī
- Special thanks to W.B. Chen for correcting the lyric.
- Related Links: W.B. Chen
All comments ( 1 )
|