- Lyrics
- Album list
- Singer Intro
澎恰恰
-
懵懂的年代
口白:許效舜 Lyricist:澎恰恰 Composer:澎恰恰
(提起鉛筆來 放下鉛筆來 指一指窗戶 指一指門 小朋友大家唸一遍)
老師拿粉筆一直寫 阿明仔手巾仔未記ㄟ帶 指甲尚長嘛無剪 找無剪刀用嘴齒咬 隔壁班有人塊相打 打斷幾落支的椅仔腳 打贏打輸攏嘛無卡咒 全部叫去訓導處罰站 下哺走去廟口決紅仔標 我贏甲大家強要凍未條 兩百外張去呼阮母仔燒了了 腳骨順煞呷籐條
懵懵懂懂的囝仔栽 按怎過達工裝呆呆 總有一工好膽擱來比賽 呼你大家褲底離西西
(中原群俠一行人來到斷魂嶺 準備要來甲藏鏡人一決雌雄 裡面一片黑暗伸手不見五指 突然間空中傳來陣一聲音 順我者生,逆我者亡 我是萬惡的罪魁藏鏡人 中原群俠拿命來呀~)
史豔文打出純陽掌 藏鏡人嘸知走哪藏 哈麥兩齒的劉三怪老子中國強 中原群俠尚介揚 有一工我那變作史豔文 頭一個要揍的就是臭頭仔文
懵懵懂懂的囝仔栽 按怎過達工學相殺 總有一工我會倒返來 呼你們知影我是真厲害
彼個查某囝仔那會還沒來 甘會請假大家嘛攏嘸知 她有長長的頭鬃 目睭擱真可愛 達工攏她老爸來甲她載 補習了後來去她兜甲探看嘜 看到搬厝的工人排歸排 看起來無機會做她兜的子婿 因為聽講他們要搬去真遠的所在
懵懵懂懂的囝仔栽 按怎過達工想麥歪 總有一工緣份會倒返來 娶她返去做阮的太太
懵懵懂懂的囝仔栽 按怎過家己嘛嘸知 總有一工會找倒返來 彼個乎人懷念的年代
------------------------------------------
《懵懂的年代》Bóng-tóng ê Nî-tāi 澎恰恰Pōng Tshia̍h Tshia̍h 許效舜Khóo Hāu-sùn(口白)
↓↓---(口白)---↓↓ 提起鉛筆來 tí qǐ qiānbǐ lái 放下鉛筆來 fàng xià qiānbǐ lái 指一指窗戶 zhǐ yī zhǐ chuānghù 指一指門 zhǐ yī zhǐ mén 小朋友大家唸一遍 xiǎopéngyǒu dàjiā niàn yī biàn ↑↑---(口白)---↑↑
老師提粉筆一直寫 lāu-su the̍h hún-pit it-ti̍t siá 阿明仔 A-bîng--á 手巾仔袂記得紮 tshiú-kin-á buē-kì-eh tsah 指甲傷長嘛無鉸 tsíng-kah siunn tn̂g mā bô ka 揣無鉸刀用喙齒咬 tshuē-bô ka-to iōng tshuì-khí kā
隔壁班有人咧相拍 keh-piah pan ū-lâng teh sio-phah 摃斷幾若枝的椅仔跤 kòng tn̄g kuí-lō ki ê í-á-kha 拍贏拍輸攏嘛無較縒 phah iânn phah su lóng-mā bô-khah-tsua̍h 全部叫去訓導處罰徛 tsuân-pōo kiò khì xùndǎochù hua̍t-khiā
下晡走去廟口決尪仔標 ē-poo tsáu-khì biō-kháu kuat ang-á-phiau 我贏甲逐家強欲擋袂牢 guá iânn kah ta̍k-ke kiōng-bueh tòng-buē-tiâu 兩百外張 nn̄g-pah guā tiunn 去予阮母仔燒了了 khì hōo gún bú--á sio liáu-liáu 跤骨順紲食籐條 kha-kut sūn-suà tsia̍h tîn-tiâu
懵懵懂懂的囡仔栽 bóng-bóng-tóng-tóng ê gín-á-tsai 按怎過 án-tsuánn kuè 逐工激呆呆 ta̍k-kang kik tai-tai 總有一工 tsóng ū tsi̍t-kang 好膽閣來比賽 hó-tánn koh lâi pí-sài 予恁逐家 hōo lín ta̍k-ke 褲底剺西西 khòo-té lì-sai-sai
↓↓---(口白)---↓↓ 中原群俠一行人 tiong-guân kûn-kiap tsi̍t-kiânn lâng 來到斷魂嶺 lâi-kàu Tuān-hûn-niá 準備欲來佮藏鏡人 tsún-pī beh lâi kah tshàng kiànn lâng Find more lyrics at ※ Mojim.com 一決雌雄 tsi̍t-kuat tshu-iông 內底一片烏暗 lāi-té it-phiàn oo-àm 伸手不見五指 tshun-tshiú put-kiàn ngóo-tsái 突然間 tu̍t-jiân-kan 空中傳來一陣聲音 khong-tiong thuân-lâi tsi̍t-tsūn siann-im 順我者生 sūn ngóo--tsiá sing 逆我者亡 gi̍k ngóo--tsiá bông 我是萬惡的罪魁藏鏡人 guá sī bān-ok ê tsuē-khue Tsông-kiànn-jîn 中原群俠拿命來啊 tiong-guân kûn-kiap ná bīng--lâi ah ↑↑---(口白)---↑↑
史豔文拍出純陽掌 Sú Iām-bûn phah tshut sûn-iông-tsiáng 藏鏡人毋知走佗藏 Tsông-kiànn-jîn m̄-tsai tsáu toh tshàng 合欲兩齒的 ha̍h-beh Nn̄g-khí--ê 劉三怪老子中國強 Lâu-sam Kuài-nóo-tsú Zhōngguóqiáng 中原群俠上蓋煬 tiong-guân kûn-kiap siōng-kài iāng
有一工 ū tsi̍t-kang 我若變做史豔文 guá nā piàn-tsò Sú Iām-bûn 頭一個欲舂的 thâu-tsi̍t-ê beh tsing--ê 就是臭頭仔文 tō-sī Tshàu-thâu-á-bûn
懵懵懂懂的囡仔栽 bóng-bóng-tóng-tóng ê gín-á-tsai 按怎過 án-tsuánn kuè 逐工學相刣 ta̍k-kang o̍h sio-thâi 總有一工 tsóng ū tsi̍t-kang 我會倒轉來 guá ē tò-tńg--lâi 予恁知影 hōo lín tsai-iánn 我是真厲害 guá sī tsin lī-hāi
彼個查某囡仔 hit ê tsa-bóo gín-á 哪會猶未來 ná ē iáu-buē lâi 敢會請假 kám ē tshíng-ká 逐家嘛攏毋知 ta̍k-ke mā lóng m̄-tsai 伊有長長的頭鬃 i ū tn̂g-tn̂g ê thâu-tsang 目睭閣真可愛 ba̍k-tsiu koh tsin khó-ài 逐工攏怹老爸來共伊載 ta̍k-kang lóng in lāu-pē lâi kā-i tsài
補習了後 póo-si̍p liáu-āu 來去怹兜共探看覓 lâi-khì in tau kā thàm khuànn-māi 看著搬厝的工人排規排 khuànn-tio̍h puann-tshù ê kang-lâng pâi kui pâi 看起來無機會 khuànn--khí-lâi bô ki-huē 做怹兜的囝婿 tsò in tau ê kiánn-sài 因為聽講 in-uī thiann-kóng 怹欲搬去真遠的所在 in beh puann-khì tsin hn̄g ê sóo-tsāi
懵懵懂懂的囡仔栽 bóng-bóng-tóng-tóng ê gín-á-tsai 按怎過 án-tsuánn kuè 逐工想欲歪 ta̍k-kang siūnn-beh uai 總有一工 tsóng ū tsi̍t-kang 緣份會倒轉來 iân-hūn ē tò-tńg--lâi 娶伊轉去 tshuā i tńg--khì 做阮的太太 tsò gún ê thài-thài
懵懵懂懂的囡仔栽 bóng-bóng-tóng-tóng ê gín-á-tsai 按怎過 án-tsuánn kuè 家己嘛毋知 ka-tī mā m̄-tsai 總有一工 tsóng ū tsi̍t-kang 會揣倒轉來 ē tshuē tò-tńg--lâi 彼個予人懷念的年代 hit ê hōo-lâng huâi-liām ê nî-tāi
- Special thanks to W.B. Chen for correcting the lyric.
- Related Links: W.B. Chen
|