- Album Intro
- Lyrics
- Album list
林助家
-
旗竿湖風雲
Lyricist:林助家 Composer:林助家 Arranger:劉哲麟
一 、兩、三、四、五 、來去旗竿湖 旗竿湖的竹筍尚Pro 食無你會真艱苦 一 、兩、三、四、五 、來去旗竿湖 旗竿湖的人才尚 Pro 啊Local 變做Global
(啊陣仔陣咚鏘 啊陣啊陣咚鏘)
阿田種梨仔 比總統的頭較大粒 怹兜的蕃薯葉仔 是幼咪咪喔 上蓋營養埤仔水 (上蓋營養埤仔水) 旗竿湖的奇蹟 得著神農獎 (啊陣仔陣咚鏘 啊陣啊陣咚鏘)
棄醫從農 友孝的吳博士 有機來種作 是有啊本事喔 上蓋專業綠竹筍 (上蓋專業綠竹筍) 上讚的國宴筍 三星米其林 (啊陣仔陣咚鏘 啊陣啊陣咚鏘)
阿姑翕鳥仔 是趴趴走 這款的日子 講真逍遙 卡管燕鷗驚動萬教 (卡管燕鷗驚動萬教) 菜鳥仔拼倒師傅 實在有夠敖 (啊陣仔陣咚鏘 伊都陣啊陣咚鏘)
一 、兩、三、四、五 、咱遮攏姓吳 吳姓是地方的家族 啊生活農村真快樂 一 、兩、三、四、五 、來去旗竿湖 旗竿湖的地名有緣故 是祖先考取功名 立旗桿祭祖
人講竹筍出青就會苦 毋通當作咧食補 教恁一個好撇步 欲吃著來旗竿湖
啊若竹筍to go著愛顧 趁鮮趕緊捒冷庫 上好食食仔囥腹肚 較贏冰甲變菜脯(哪有可能!) (啊陣仔陣咚鏘 啊陣啊陣咚鏘)
阿安蹛佇 彼囉牛屎坑 古早放黃金 的牛屎路喔 這條通到旗竿湖 (這條通到旗竿湖) 伊是在地上趣味的導覽員 (啊陣仔陣咚鏘 伊都陣啊陣咚鏘)
隆華兄哥 獻出了土地 免費使用 多元就業 阮欲佮你講謝謝 (阮欲佮你講謝謝) 謝謝 謝謝 感恩喔 伊講伊親仔ㄘㄨㄚ孫 好幸福呢
一 、兩、三、四、五 、來去旗竿湖 旗竿湖的竹筍尚 Pro 啊食無你會真艱苦 一 、兩、三、四、五 、來去旗竿湖 旗竿湖的人才尚 Pro 啊Local 變做Global
(啊陣仔陣咚鏘 啊陣啊陣咚鏘) (啊陣仔陣咚鏘 伊都陣啊陣咚鏘)
------------------------------------------
18316/《旗竿湖風雲》Kî-kuann-ôo Hong-hûn 林助家Lîm Tsōo-ka
一兩三四五 tsi̍t nn̄g sann sì gōo 來去旗竿湖 lâi-khì Kî-kuann-ôo 旗竿湖的竹筍上Phú-looh Kî-kuann-ôo ê tik-sún siōng Phú-looh 啊食無你會真艱苦 ah tsia̍h-bô lí ē tsin kan-khóo
一兩三四五 tsi̍t nn̄g sann sì gōo 來去旗竿湖 lâi-khì Kî-kuann-ôo 旗竿湖的人才上Phú-looh Kî-kuann-ôo ê jîn-tsâi siōng Phú-looh 啊Local變做Global ah Local piàn-tsuè Global 啊叮啊叮咚鏘 ah tin--ah tin-tong-tshiang 啊叮啊叮咚鏘 ah tin--ah tin-tong-tshiang
阿田種梨仔 A-tiân tsìng lâi-á 比總統的頭較大粒 pí tsóng-thóng ê thâu khah tuā lia̍p 怹兜的番薯葉仔 in tau ê han-tsî-hio̍h-á 是幼麵麵喔 sī iù-mī-mī--ooh 上蓋營養埤仔水 siōng-kài îng-ióng pi-á tsuí 上蓋營養埤仔水 siōng-kài îng-ióng pi-á tsuí 旗竿湖的奇蹟 Kî-kuann-ôo ê kî-tsik 著著神農獎啊 tio̍h-tio̍h Shénnóngjiǎng a 啊叮啊叮咚鏘 ah tin--ah tin-tong-tshiang 啊叮啊叮咚鏘 ah tin--ah tin-tong-tshiang
棄醫從農 qì yī cóng nóng 有孝的吳博士 iú-hàu ê Ngôo phok-sū 有機來種作 iú-ki lâi tsìng-tsoh 是有啊本事喔 sī ū--ah pún-sū--ooh 上蓋專業綠竹筍 siōng-kài tsuan-gia̍p li̍k-tik-sún 上蓋專業綠竹筍 siōng-kài tsuan-gia̍p li̍k-tik-sún 上讚的國宴筍 siōng tsán ê guóyànsǔn 三星米其林 sānxīng Mǐqílín 啊叮啊叮咚鏘 Find more lyrics at ※ Mojim.com ah tin--ah tin-tong-tshiang 啊叮啊叮咚鏘 ah tin--ah tin-tong-tshiang
阿姑翕鳥仔 a-koo hip tsiáu-á 是拋拋走喔 sī pha-pha-tsáu--ooh 這款的日子 tsit khuán ê ji̍t-tsí 講真逍遙欸 kóng tsin siau-iâu--eh 卡管燕鷗驚動萬教 kǎguǎnyànōu kiann-tōng bān-kàu 卡管燕鷗驚動萬教 kǎguǎnyànōu kiann-tōng bān-kàu 菜鳥仔拚倒師傅 tshài-tsiáu-á piànn tó sai-hū 實在有夠𠢕啊 si̍t-tsāi ū-kàu gâu--ah 叮啊叮咚鏘 tin--ah tin-tong-tshiang 咿嘟叮啊叮咚鏘 ih-toh tin--ah tin-tong-tshiang
一兩三四五 tsi̍t nn̄g sann sì gōo 咱遮攏姓吳 lán tsia lóng sènn Ngôo 吳姓是地方的家族 Ngôo--sènn sī tē-hng ê ka-tso̍k 啊生活農村真快樂 ah sing-ua̍h lông-tshuan tsin khuài-lo̍k 一兩三四五 tsi̍t nn̄g sann sì gōo 來去旗竿湖 lâi-khì Kî-kuann-ôo 旗竿湖的地名有緣故 Kî-kuann-ôo ê tē-miâ iú iân-kòo 是祖先考取功名 sī tsóo-sian khó-tshú kong-bîng 立旗桿祭祖 li̍p kî-kuáinn tsè-tsóo
人講竹筍出青就會苦 lâng kóng tik-sún tshut tshinn tiō ē khóo 毋通當做咧食補 m̄-thang tòng-tsuè teh tsia̍h-póo 教恁一个好撇步 kà lín tsi̍t-ê hó phiat-pōo 欲食著來旗竿湖 beh tsia̍h tio̍h lâi Kî-kuann-ôo 啊若竹筍To Go ah nā tik-sún To Go 著愛顧 tio̍h-ài kòo 趁鮮趕緊捒冷庫 thàn tshinn kuánn-kín sak líng-khòo 上好食食咧囥腹肚 siōng hó tsia̍h-tsia̍h--leh khǹg pak-tóo 較贏冰角變菜脯 khah iânn ping-kak piàn tshài-póo 哪有可能 ná-ū khó-lîng 啊叮啊叮咚鏘 ah tin--ah tin-tong-tshiang 啊叮啊叮咚鏘 ah tin--ah tin-tong-tshiang
阿安蹛佇彼號牛屎坑 A-an tuà tī hit-lō Gû-sái-khinn 古早放黃金的牛屎路喔 kóo-tsá pàng n̂g-kim ê gû-sái lōo--ooh 這條迵到旗竿湖 tsit tiâu thàng kàu Kî-kuann-ôo 這條迵到旗竿湖 tsit tiâu thàng kàu Kî-kuann-ôo 伊是在地上趣味的導覽員 i sī tsāi-tē siōng tshù-bī ê dǎolǎnyuán 叮啊叮咚鏘 tin--ah tin-tong-tshiang 咿嘟叮啊叮咚鏘 ih-toh tin--ah tin-tong-tshiang
隆華兄哥 Lónghuá hiann-ko 獻出了土地 hiàn tshut liáu thóo-tē 免費使用 bián-huì sú-iōng 多元就業 duōyuán jiùyè 阮欲共你講謝謝 gún beh kā lí kóng xièxie 阮欲共你講謝謝 gún beh kā lí kóng xièxie 謝謝謝謝 xièxie xièxie 感恩喔 kám-un--ooh 伊講伊這馬𤆬孫 i kóng i tsit-má tshuā sun 好幸福呢 hǎo xìngfú--neh
一兩三四五 tsi̍t nn̄g sann sì gōo 來去旗竿湖 lâi-khì Kî-kuann-ôo 旗竿湖的竹筍上Phú-looh Kî-kuann-ôo ê tik-sún siōng Phú-looh 啊食無你會真艱苦 ah tsia̍h-bô lí ē tsin kan-khóo 一兩三四五 tsi̍t nn̄g sann sì gōo 來去旗竿湖 lâi-khì Kî-kuann-ôo 旗竿湖的人才上Phú-looh Kî-kuann-ôo ê jîn-tsâi siōng Phú-looh 啊Local變做Global ah Local piàn-tsuè Global 啊叮啊叮咚鏘 ah tin--ah tin-tong-tshiang 啊叮啊叮咚鏘 ah tin--ah tin-tong-tshiang 啊叮啊叮咚鏘 ah tin--ah tin-tong-tshiang 咿嘟叮啊叮咚鏘 ih-toh tin--ah tin-tong-tshiang
- Special thanks to W.B. Chen for correcting the lyric.
- Related Links: W.B. Chen
|
|